Iberoamérica é unha comunidade caracterizada por unha gran riqueza e diversidade de manifestacións musicais que se foron configurando grazas á existencia de roteiros e itinerarios que posibilitaron intercambios de toda índole tanto no pasado como nun presente cada vez máis interconectado. Con ocasión do Xacobeo 2021 e a idea de “camiño” vinculada a Santiago de Compostela, o III Congreso Internacional da Comisión de Traballo “Música e Estudos Americanos” (MUSAM) da Sociedade Española de Musicoloxía aspira a promover novas vías de investigación sobre as músicas iberoamericanas desde a perspectiva das redes e os circuítos, non só de músicos, repertorios e obxectos sonoros, senón tamén de prácticas, ideoloxías e discursos; en suma, a construción de camiños alternativos na investigación de procesos e contextos múltiples e integrados, á vez, dentro de dita comunidade.
Para iso, prestarase especial atención a elementos poucos traballados ou susceptibles dunha nova mirada como: as relacións musicais entre países e rexións americanas, o establecemento de roteiros e circuítos en/desde e cara ás Américas, a reflexión sobre o quefacer musicolóxico en Iberoamérica ou o emprego da interdisciplinariedade e os medios dixitais na nosa aproximación a unha realidade plural e en cambio constante. Deste xeito, pretendemos derrubar algunhas barreiras que non só consideramos artificiais senón tamén inoperantes, como a existente entre musicoloxía e etnomusicoloxía, entre musicoloxía histórica e práctica performativa ou, mesmo, entre as culturas musicais luso-brasileiras e hispano-americanas, virtualmente “desconectadas”. Ao mesmo tempo, este Congreso servirá para reforzar os vínculos entre investigadores interesados no estudo da música iberoamericana desde unha perspectiva transatlántica e globalizada.
MEMBROS
DIRECTORES
Montserrat Capelán (Universidade de Santiago de Compostela)
Javier Marín López (Universidade de Xaén)
​
SECRETARIA
Belén Vega Pichaco (Universidade da Rioxa)
​
COMITÉ CIENTÍFICO
Consuelo Carredano (UNAM/Instituto de Investigacións Estéticas)
David Cranmer (Universidade Nova de Lisboa/CESEM)
Victoria Eli Rodríguez (Universidade Complutense de Madrid)
Marita Fornaro (Universidade da República, Montevideo)
Javier Garbayo (Universidade de Santiago de Compostela)
Beatriz Martínez del Fresno (Universidade de Oviedo)
Alberto Pacheco (Universidade Federal do Río de Janeiro)
Carlos Villanueva (Universidade de Santiago de Compostela)
Leonardo J. Waisman (CONICET, Arxentina)
​
COMITÉ ORGANIZADOR
María Victoria Arjona (Universidade de Granada)
Laura Calvo Gens (Universidade de Santiago de Compostela)
Javier Gándara Feijóo (Universidade de Santiago de Compostela)
María Gil Martínez (Universidade de Santiago de Compostela)
Ana María Liberal (Instituto Politécnico de Porto)
Iván César Morales (Universidade de Oviedo)
Roberto Oliveira Ogando (Universidade de Santiago de Compostela)
Edite Rocha (Universidade de Minas Gerais)
Santiago Rodríguez Caramés (Universidade de Santiago de Compostela)
Guillermo Rodríguez Alonso (Universidade de Santiago de Compostela)
Ilduara Vicente Franqueira (Universidade de Santiago de Compostela)
PROPOSTAS
As propostas deben ser enviadas a Belén Vega, secretaria da MUSAM, á dirección de correo electrónico: musam@sedem.es
Data límite de envío de propostas: 5 de xuño de 2021
Resolución de propostas aceptadas: 5 de xullo de 2021
As linguas oficiais do Congreso son: castelán, galego, portugués e inglés.
A organización non se fai cargo de gastos de viaxe, manutención ou aloxamento. Entendemos que algúns comunicantes internacionais poden non ter posibilidade de viaxar a Santiago de Compostela para presentar a súa investigación, principalmente por restricións financeiras ou derivadas da situación sanitaria. Para determinados casos, poderá considerarse a posibilidade de participación a través de videoconferencia.
Para obter o correspondente certificado de participación, os comunicantes deberán presentar a súa comunicación persoalmente.