EN AVIÓN

O aeroporto Santiago de Compostela-Rosalía de Castro, situado en Lavacolla (a 14 km da sede do III Congreso  MUSAM), conta con voos dende e cara a diferentes puntos da xeografía peninsular ibérica e europea (reservar billete). En Galicia atópanse ademais o Aeroporto da Coruña en Alvedro (a 50 km da sede do III Congreso MUSAM; reservar billete) e o Aeroporto de Vigo en Peinador (a 80 km da sede do III Congreso MUSAM; reservar billete). Para vir dende América, adóitase viaxar ao aeroporto Adolfo Suárez-Madrid Barajas (reservar billete) ou ao Aeroporto de Porto (reservar billete) e dende alí facer  transbordo dirección Galicia.

EN TREN

Compostela posúe unha estación ferroviaria xestionada por RENFE. Sitúase na Rúa  do Hórreo, a tan só 15 minutos camiñando da sede do III Congreso  MUSAM. A estación mantén conexións directas con case todas as cidades galegas, así como con urbes do resto da Península Ibérica, especialmente Madrid (reservar billete).

EN BUS

A estación de bus de Santiago está anexionada á de tren (intermodal). Consta de ligazóns a diferentes cidades españolas e portuguesas. As viaxes son levados a cabo fundamentalmente polas empresas  Monbús (reservar billete) e Alsa (reservar billete).

EN COCHE

Compostela está ben comunicada por estrada con outras poboacións. Destacan especialmente as vías AG-53, AG-54, AG-55, AG-56, AP-9 e AP-53 (ver rede de estradas).

​